譚仔雲南米線 (置富都會)

營業中

休息中

今日午餐唔知食乜嘢好，行吓行吓見到有譚仔雲南米線，好啦今日就決定食佢啦，因為出邊真係太熱唔想行咁多路。譚仔雲南米線的確唔會令人失望，佢地既米線真心好食。首先，今日我係譚仔雲南米線叫左個單餸米線，餸果方面就選擇左雞肉，雞肉既份量都好多，我加配左小食，雞肉點上小食既辣汁係一流既配搭。小食方面，我選擇左麻辣木耳，呢個小食既麻辣唔算好辣，味道適中，配合埋木耳既爽口真係好夾。最後加埋一杯冰凍既凍奶茶，呢個lunch正呀。