譚仔三哥米線 (已搬遷) 新店位置

平時放工會經過葵芳就會順便來葵涌廣場揾食，眾所周知葵廣出名多野食，好多人都中意來掃街，雖然係咁，都無阻我每次都想來譚仔三哥食米線。葵涌廣場呢間譚仔三哥其實唔係好大，但係我每次去到D姐姐都一定會揾到位比我，但係預左要答檯啦。咁我呢日同朋友來到無單叫米線，而係叫左一大碗的過橋米線同朋友分享，因為我朋友唔係太食得辣，所以我就叫左個十少辣，再叫左杯凍0茶解辣。點解我會叫呢個米線係因為價錢平，但好足料，有牛肉，雞肉，火腿，牛丸…等共17種配料，所以話一次過滿足曬你所有願望，加埋一杯凍野飲，每人都係30蚊，好經濟，而且米線的辣度適中，唔同配料的味道都好理想，推薦大家一試。