譚仔雲南米線 (已結業)

以前成日幫襯新墟雅都間譚仔, 我諗都有6年時間, 華都呢間譚仔係由新墟搬過去, d譚仔姐姐熟口熟面, 好親切。今晚叫左一碗過橋米線, 一碟蒜泥白肉, 一碟九菜。過橋米線份量夠兩個人食, 過橋勝在多餸, 唔駛咁悶, 除清湯外, 其他湯底都要加錢,特別鐘情重慶酸辣湯底, 味道多層次, 麻酸辣每個層次都食到, 近期更加會要求米線淋d, 感覺米線會更滑同吸到湯味。蒜泥白肉, 蒜泥夠細, 好 creamy, 包住白肉一齊食好正, 入口溶化。白肉夠薄又夠肥, 層次分明, 賣相相當吸引。不過要預左食完好大口氣, 同人傾計要小心。突然想食多d菜, 叫左一碟九菜, 配蠔油, 可惜今晚個九菜有d 失色, 好老, 當食多d纖維啦。另外要讚呢間分店既譚仔姐姐, 服務very good, 因為我裝左譚仔app 儲印花, 見我barcode 掃唔到即刻印過張比我, 又問候食得飽唔飽。