影片
更多
2024-08-30
1135 瀏覽
早前睇影片分享平台見到呢間茶餐廳蛋撻號稱全港第一。今朝早咗起身，決定揸車由將軍澳出深水埗試一試佢。.嗌咗沙嗲牛肉麵、火腿煎蛋、加兩蚊多士、加隻蛋撻。.蛋撻最先嚟到，一咬，又凍又硬，心知不妙，問一問個侍應，佢大方承認：隔夜㗎，朝早冇蛋撻出爐㗎。我心諗，我寧願你朝早唔買，又或者落單前講聲我知。到底係將隔夜蛋撻賣俾客賺多$10賺多啲？定係做臭自己個名會蝕得多啲？我睇唔透。咬完一啖之後我成隻放低冇再食。作為一間咁出名食蛋撻既茶餐廳，如果連對出名既堅持都冇，其實都幾蠢。唔好同我講你下午既出品有幾好食，我唔會比第二次機會你。沙嗲夠咸但冇香味，牛肉又係凍、韌，應該都係隔夜再加唔知賣左幾多日，絕對唔係朝早炒熱果啲。麵正常。.火腿用水煮，冇煎，蛋正常。.多士係薄方包係咁依烘下，淋Pat Pat，冇咩咬口。個人認為收得人加$2，最好比厚多人食，口感係差好遠。.最後杯茶走，好唔好飲係有樣睇，呢杯一睇就係唔好飲果種，入口苦澀酸，飲左兩啖就唔飲了。不過可能係我唔好彩，咁啱去到呢一壺茶既底果浸，我見其他人既奶茶茶色係正常。但係，都係果句啦，如果係對自己有要求既水吧大哥，應該要意識到啲茶開始老，要留起做凍茶茶茶底，
.
嗌咗沙嗲牛肉麵、火腿煎蛋、加兩蚊多士、加隻蛋撻。
.
蛋撻最先嚟到，一咬，又凍又硬，心知不妙，問一問個侍應，佢大方承認：隔夜㗎，朝早冇蛋撻出爐㗎。我心諗，我寧願你朝早唔買，又或者落單前講聲我知。到底係將隔夜蛋撻賣俾客賺多$10賺多啲？定係做臭自己個名會蝕得多啲？我睇唔透。咬完一啖之後我成隻放低冇再食。作為一間咁出名食蛋撻既茶餐廳，如果連對出名既堅持都冇，其實都幾蠢。唔好同我講你下午既出品有幾好食，我唔會比第二次機會你。
蛋撻
$10
30 瀏覽
1 讚好
0 留言
沙嗲夠咸但冇香味，牛肉又係凍、韌，應該都係隔夜再加唔知賣左幾多日，絕對唔係朝早炒熱果啲。麵正常。
.
火腿用水煮，冇煎，蛋正常。
.
多士係薄方包係咁依烘下，淋Pat Pat，冇咩咬口。個人認為收得人加$2，最好比厚多人食，口感係差好遠。
.
最後杯茶走，好唔好飲係有樣睇，呢杯一睇就係唔好飲果種，入口苦澀酸，飲左兩啖就唔飲了。不過可能係我唔好彩，咁啱去到呢一壺茶既底果浸，我見其他人既奶茶茶色係正常。但係，都係果句啦，如果係對自己有要求既水吧大哥，應該要意識到啲茶開始老，要留起做凍茶茶茶底，或者做洗餐具用果啲茶水啦。客人冇義務接受你既失誤。（或者可能係老闆吩咐唔好浪費？）
.
茶走
35 瀏覽
0 讚好
0 留言
.
抱住滿懷期望來訪，帶住無盡失望離開。
.
行多兩步，見到另一間茶記，我問門口呀姐係咪今朝出爐，佢答我每朝都係新鮮做。即刻整番隻（一樣賣$10），一食，就係呢隻味啦。
.
.
嗯，我諗，我知下次早左起身，應該去邊間食早餐。
張貼
