影片
更多
2013-03-16
31 瀏覽
認識這裡大多数人會係認識佢地老闆, 其實這類型以某人作招徠的技倆一般都是開店初時大排長龍,而彼勁不繼亦是正常,不過這店着實都有點實力的, 相對其他的大型連鎖迴轉壽司店, 正價時段價錢稍稍偏高, 但近半年他們亦對競爭激烈的市場作出回應, 他們不用”午夜壽司”等名詞作榥子, 而是用食滿某個價錢就用開飯網的優惠卷打個6折, 而時間則以9點半作界線, 所以感覺上不致於”午夜” 而價錢又未致半價既可保持住個品牌又唔使大平賣, 一個好有腦嘅方法, 因為一般9點半開始食到10點45分左右已經見師傅開始搞清潔, 實質賣平只不過1個鍾至兩個鐘, 雖則利潤少了一點但客人多了, 食物流轉快了員工也相對有工作要做不會令士氣低落, 好一個Win Win的方案, 言歸正傳說回食物, 今回作戰方案, 由於已經夜了同太座一致決定吃少一點壽司來多一點刺身,刺身類計有: 海胆一板$150, 雖然唔知是哪裡來的海胆, 但色澤呈鮮橙黃, 入口甘甜, 件数也不少, 用伴碟紫菜同壽司飯伴吃愜意非常, 牡丹蝦$35/隻, 着實不平易, 蝦肉質素尚可, 惜尺碼只屬中型, 赤貝$$35/隻, 太座認為貝肉唔夠爽身, 尺碼亦太細, 不值
刺身類計有: 海胆一板$150, 雖然唔知是哪裡來的海胆, 但色澤呈鮮橙黃, 入口甘甜, 件数也不少, 用伴碟紫菜同壽司飯伴吃愜意非常,
牡丹蝦$35/隻, 着實不平易, 蝦肉質素尚可, 惜尺碼只屬中型,
赤貝$$35/隻, 太座認為貝肉唔夠爽身, 尺碼亦太細, 不值再叫,
老闆推介的Scallop sashimi with citrus dressing $68 6隻帶子的排列位置跟照片的一樣,但帶子的厚度只有照片的1/4, 整個賣相很西式除咗個汁, 沙律汁的柚子醋味道很輕微, 調味也很淡, 可能廚師唔想個汁的味道蓋過主角-帶子! 但咁簿一片帶子, 味道又會強到哪裡呢?中間放的一個沙律菜, 有小紅皮蘿蔔簿片数片, 微形荳芽, 兩種菜類的氣味一般都較為草青, 吃不了的人真的會受不了, 但如果好像我們這類食開草的又會縑少唔夠喉,放帶子裝飾的黑色魚子, 沒啥味道很有可能是素食者用的那種, 因為以這價錢要提供魚籽似乎唔太可能,
立魚吞拿魚刺身6件$45 英文打住Red Snapper & Fatty Tuna sashimi 開頭睇咗唔知點解讀呢?只能理解因為6片魚生並排於碟上, 但原來係將吞拿魚切成1.5cm.丁方, 外面包上一片簿簿立魚生片, 整個賣相幾寒酸下,中間再放一撮白蘿蔔絲上灑些少汁, 魚生以這尺碼來吃, 基本上很難食得上是哪一舊魚的味, 這個刺生似是將人家百五蚊的菜式夾硬抄出來的, 但礙於價位將貨就價產生出此品兩頭唔到岸的菜式, 我覺得其實賣100蚊以內咪得囉但魚生的體積起碼要加倍, 現在太難睇亦無客人會覺得感動,客人只會覺得呃錢,這樣形容雖則比較負面,不過事實令人好難唔咁諗喎
壽司方面:計有: 龍蝦沙律,蟹柳蛋壽司- 整個造型好吸引, 龍蝦沙律只是放在頂那一小撮1/2tsp嘅橙色物體估計係用了千島醬撈啩,有幾多龍蝦肉在內印象好模糊,只知道有些少龍蝦肉嘅, 但由於外型疊高的,一咬下去外型自然分解,第二啖唯有分開食囉,蟹柳都感覺良好, 最下底那丁方蛋壽司無論疊埋一斉食又或者分開食自己都咁喜歡,因為自己是蛋癡,
白吞拿魚壽司$24 想試這魚生源於自已食過罐頭嘅白吞拿魚魚肉感覺好纎細,雖然味道係好清淡,但亦沒有平常罐頭食物那股鐵的金屬氣味, 現在試食這種魚的魚生, 同樣地魚肉質地好纎細,但太座嫌佢太啉身無咬口唔過癮, 即使是魚生這魚也是沒什麼魚的鮮味,
鰻魚芝士卷四件$35 拿出來時那賣相較深刻, 碟底嘅鰻魚汁同白色的Mayo汁相互交錯, 煞是漂亮的, 但面頭嘅芝士明顯是卡夫芝士片切出來放上面的,燒面亦只是燒一下芝士都未溶, 即使溶得咁少想必即時露底,而且這四件壽司唔知點解d飯比較凍?!又一活生生將貨就價的例子,下次都係叫番普通鰻魚壽司可以了
蛋壽司三件$18 這樣的價錢來看$6/件已經不能太笴求什麼了, 況且她們做得不差, 有蛋香之餘還是熱烘烘的啊,
三文魚籽手卷$28 三文魚籽有成tbsp咁多, 算好闊氣的了, 三文魚籽嘅新鮮度也很高,
小食類計有:吉列蠔兩隻$39, 呢個係成晚最失敗的一品,炸衣太厚, 蠔本身比較腥, 或者下次來都係唔好叫炸物安全一點喎
整體服務態度滿意, 雖然由店長至小工都是比較年輕的小伙子, 店內面積都相當大以這類型連鎖迴轉壽司店來說, 座位尚算舒適, 結帳時再發給客人一張百元優惠卷作下次來時優惠, 在不經意中為下一次留下伏筆 , 高明的一招
張貼
