Sakura Street (已結業)

小時候因鍾意睇叮噹（仲未改名噢，你知我咩年代啦）而對豆沙餅特別有好感！小時都係貪玩，每次同阿媽行街見到都會喊買，見到個樣覺得好得意，但食落其實不外如是！食左兩啖覺得唔好食，俾返阿媽又比佢閙！哈哈　如今的豆沙餅已不再只有豆沙了，口咪變化多：栗子红豆、抹茶红豆、Tiramisu、宇治綠茶、香蕉朱古力、三色白玉等等。。。。。最後揀左抹茶tiramisu（無相）、黑芝麻及吉士士多啤梨銅鑼燒的餅唔錯，唔會太甜又鬆軟。３款中最愛吉士士多啤梨！真係有新鮮士多啤梨夾響中間　㊣　吉士雖然軟滑但可惜不夠吉士味。黑芝麻普普通通，芝麻味不太濃，味道不是太突出。反而最不好吃的是抹茶tiramisu，因入面有d怪怪抺茶啫喱。。。。我最怕就是吃魚膠粉啫喱！呢個我一定out呀！某日如我再諗起叮噹及銅鑼燒，我會再黎架！