陳儀興玫瑰餐廳

營業中

休息中

火鍋控經常都想打邊爐，今次去咗新蒲崗一間高質火鍋店。一心想試佢地嘅雙龍吐珠海鮮鍋，大份又多海鮮，湯底滿滿鮮味，喜愛龍蝦嘅一定唔可以錯過呢！一上枱見到2隻開邊龍蝦已經讓我流晒口水，咁大份成個湯底都只係做緊優惠價$328，不過就要提早訂座預留返會穩陣啲。除咗龍蝦，仲有大大隻鮑魚同蝦，好滿足啊！食晒湯底嘅新鮮海鮮後，當然要點啲火鍋配料烚下烚下。手切肥牛係必點，每次食都覺得相比和牛更對味。黑柏葉唔係間間火鍋店都有，口感食落好爽啊！脆鯇魚腩食得出新鮮，所以口感係好爽脆嘅。蟹籽墨魚滑好彈牙啊！餃類我都係打邊爐必點的，朋友推介佢嘅韭菜餃，試完真係有驚艷，韭菜超香又滿滿餡料係入面。朋友仲點咗豬潤拼豬粉腸，兩款我都覺得唔錯的。