影片
更多
2021-11-11
23 瀏覽
早兩日男朋友話之前佢行過弼街個邊附近，見到有間叫美味故事的餐廳，所以上網睇下，覺得都幾正，所以就帶左我去食嘢啦，餐廳比較神秘，未必個個發現到佢，但佢個環境係好舒適，有啲好日式的枱，而且播下啲本土音樂，令人好有家的感覺。我哋坐低左一陣，仲睇緊有咩食時，就有杯西瓜沙冰比我哋做welcome drink，之後我哋叫左兩個餐，我哋揀左一個慢煮西冷牛扒，呢個跟set有埋餐湯有沙律，餐湯揀左蘑菇湯，沙律就係柚子汁海澡寒天沙律，小食揀左泡菜豆腐餅，而令一間就揀左西班牙豬鞍，餐飲就係凍咖啡和凍鮮橙水果茶。蘑菇湯都好香濃，飲得出係用左好多菇來打出嚟，唔係忌廉溝少少蘑菇就當蘑菇湯，所以味道會突出好多。泡菜豆腐餅好精緻，估唔到mixed埋一齊都咁夾，而且煎到脆卜卜，鹹度適中。而個沙律其實好特別，因為佢整咗一條條寒天，好似薯粉咁，但滑好多，加埋啲柚子汁好好味，呢個沙律亦係咁多個當中，比較特別一些，多面係比較少有。我會推介大家食西班牙豬鞍，一來佢用慢煮方式，令到肉質依然軟熟，豬味可以得以保存，而且表面煎香更為吸引，薯菜的配搭亦有得多種類，很有心，同埋佢最正就係佢加配的肉桂蘋果醬，好鮮甜好好味。慢煮西冷就揀左配肉
我哋坐低左一陣，仲睇緊有咩食時，就有杯西瓜沙冰比我哋做welcome drink，之後我哋叫左兩個餐，我哋揀左一個慢煮西冷牛扒，呢個跟set有埋餐湯有沙律，餐湯揀左蘑菇湯，沙律就係柚子汁海澡寒天沙律，小食揀左泡菜豆腐餅，而令一間就揀左西班牙豬鞍，餐飲就係凍咖啡和凍鮮橙水果茶。
蘑菇湯都好香濃，飲得出係用左好多菇來打出嚟，唔係忌廉溝少少蘑菇就當蘑菇湯，所以味道會突出好多。
泡菜豆腐餅好精緻，估唔到mixed埋一齊都咁夾，而且煎到脆卜卜，鹹度適中。
而個沙律其實好特別，因為佢整咗一條條寒天，好似薯粉咁，但滑好多，加埋啲柚子汁好好味，呢個沙律亦係咁多個當中，比較特別一些，多面係比較少有。
我會推介大家食西班牙豬鞍，一來佢用慢煮方式，令到肉質依然軟熟，豬味可以得以保存，而且表面煎香更為吸引，薯菜的配搭亦有得多種類，很有心，同埋佢最正就係佢加配的肉桂蘋果醬，好鮮甜好好味。
慢煮西冷就揀左配肉醬意粉，唔好以為佢係好似人地跟配個啲意粉咁，佢係肉醬方面真係好足料，又唔會話太酸，茄味啱啱好，而慢煮牛可以鎖住肉汁，入面依然粉嫩，亦唔會太靭。
飲品方面，咖啡的糖和奶分開上，味道可按自己口味調配，而水果茶好正，除左有香橙味道，亦同時有紅茶的茶味，我無諗過兩樣嘢咁夾，一直以嚟以為係得檸檬先夾，係一個新突破。
張貼
