我愛慢煮 (普慶坊) (已結業)

一直想來試試。雖然位置少少偏，但附近環境好清靜，啱晒假日慢拍節奏。好驚喜！ 大廚有一手，煙烤豬腩煮到剛好，雖見厚厚的一件，還以為肉會好實，刀一落，切得好利落容易，肥肉＆豬皮部分咬口爽彈牙，好正，肉唔實唔嚡，辣汁微微辣、甜，配對豬腩令其消減啲肥膩感，推介！而且對自己美食有堅持＆信心，相信價錢已反應品質，不另收加一👍室內佈置令人感覺十分舒適，空間感又足，本想點個美食兼享受一下悠閒，可惜坐旁邊嘅一家3口+他們2個友人，在一個溫柔寧靜嘅氣氛內放聲高談大笑，回音困於室內，「迴響如同幻覺」，一下將場景轉到大排檔一樣，真掃興，速速食完，快快離開。做個識趣、識看環境、有品嘅食客好重要。基本上，對廚師有信心，必來再試其他食品，希望下次好運，遇上用咀來品嚐美味而非喧嘩的好食客。