源味甜品小食 (已結業)

今日同同學返完學就黎食糖水，順便聽佢呻下工作中的苦事。兩人都飲桑記生茶。好正好足料啊，以前覺得桑記生茶好難飲，但知道對身體好，所以免為其難都飲兩啖，不過呢到嘅桑寄生好唔同，唔單止入口容易,加上夠晒熱，真係好唔同，而且紅棗及配料好足，食得出店主用左好多時間去煲。口痕所以叫左魚蛋食，呢個普通啦⋯⋯呢個泰式鳳爪要讚下，醃得好夠味，而且辣同酸好配合，再加上啲拍左嘅泰國青瓜/溫室青瓜，好好食，推介呢個，可以補返骨膠原。