影片
更多
2014-04-29
1404 瀏覽
父母本身都不好榴槤, 是小時候麻麻教我食果王的! 之前亦有幸於東南亞食過貓山王及D24，一試難忘！早前知道元朗開了”貓山皇”已經很雀躍, 但次次經過都好多人, 亦或者同行者視果王為臭臭...今日同媽咪阿妹早就於元朗食完晚餐, 別人食晚飯時我們已經食甜品, 終於有機會來朝聖! 門口已經有MENU一覽! 好吸引呀~還有標明各款的濃度店內不算大，6,7檯左右，OPEN KITCHEN 設計，而檯櫈有東南亞的感覺～幾貼題！牆身好似貨櫃，幾得意～坐底後睇睇MENU先，絕大部份都是榴槤甜品。而這裡是先到櫃台落單及付款，就會有一個號碼牌，店員就會按號碼奉上食物～阿妹點了夢幻榴槤雪糕 HK$55 share食，差不多見到檯檯都會叫，當然乾冰噴煙賣相是亮點，聽到不止一個客人指住別人的說要一客呢～賣相雖緊要，但對我來說最重要都是味道。果然是皇牌之選，雪糕有超濃烈的榴槤味，齒頰留香，就好似在食比較滑的榴槤，伴隨還有水蜜桃爆爆珠及杏仁條，爆爆珠普通啦，沒有亦不太大影響，杏仁條略為不夠脆～我還點了榴槤奶昔 HK$45，榴槤味濃郁就一定，好挺好杰身，用匙羹食都得！所以是用粗飲管飲的，如果幼的睇怕天光都未飲完呢！唯
店內不算大，6,7檯左右，OPEN KITCHEN 設計，而檯櫈有東南亞的感覺～幾貼題！
牆身好似貨櫃，幾得意～
坐底後睇睇MENU先，絕大部份都是榴槤甜品。而這裡是先到櫃台落單及付款，就會有一個號碼牌，店員就會按號碼奉上食物～
阿妹點了夢幻榴槤雪糕 HK$55 share食，差不多見到檯檯都會叫，當然乾冰噴煙賣相是亮點，聽到不止一個客人指住別人的說要一客呢～賣相雖緊要，但對我來說最重要都是味道。果然是皇牌之選，雪糕有超濃烈的榴槤味，齒頰留香，就好似在食比較滑的榴槤，伴隨還有水蜜桃爆爆珠及杏仁條，爆爆珠普通啦，沒有亦不太大影響，杏仁條略為不夠脆～
我還點了榴槤奶昔 HK$45，榴槤味濃郁就一定，好挺好杰身，用匙羹食都得！所以是用粗飲管飲的，如果幼的睇怕天光都未飲完呢！唯一要挑剔就是不夠凍～
因媽咪對榴槤只可聞不可食，就叫了蛋白杏仁露 HK$35 (熱)，特別在是分開兩碗，左邊是有杏仁味的燉蛋白，很滑！右邊就是杏仁露加煮了的碎蛋白，流質的，你可以分開食又得，溝埋食都得！一齊食的杏仁味就更濃更香，但我自己就偏愛左邊的燉蛋白，而且還發現了一個化學作用，食完榴槤再食，口腔的榴槤味竟可以除去大部分呢！
本身都覺得索價比坊間的高，但榴槤濃度的確成正比，亦知道榴槤的加工品事前功夫都幾多，改良的甜品的確不易做～希望這店可以keep到品質繼續長駐~By the way, 好開心元朗有專賣榴槤甜品的食店出現呢!
張貼
