開心麵皇 (已結業)

今日一家三口加二個老人家行經時代廣場 , 見有小小肚餓 , 諗住Tea一Tea , 收到傳單有間新開麵舖 , 標榜不含味精 , 心諗老人家最怕味精 , 即管試下 , 間麵舖係Holiday Inn Express Lobby 一樓酒店Counter 隔離 , 有位坐底 , 叫個鮑魚麵俾老婆 , 點知幼麵賣哂 , 有無攪錯, 麵舖無幼麵 , 算數轉叫簥麥麵 , 阿女自選車仔三餸米線 , 外父叩個和風鰻魚粗麵 , 外母一個豬手麵 , 我食咩好呢? 叫個海立魚片麵 , 但個侍應話今日無海立魚到 , 有無攪錯又無 , 有個女人走埋黎話因為D立魚唔靚所以唔賣, 費時做衰招牌 , 啊原來老闆娘, 跟住推介個魚頭湯麵 , 我話怕腥 , 佢拍心口話腥既就唔收錢 , 好! 配米線啦 , 食落真係一D都唔腥 , 啖湯鮮甜到不得了 , 正! 鮑魚麵豬骨湯濃而不膩 , 鮑魚麵香濃但鮑魚細佐DD, 阿女d車仔麵 , 湯清甜丸彈牙都OK, 鰻魚麵D鰻魚好肥 , 好甜 , 唔知咩嘢黎, 豬手麵D豬手淋得滯, 但都好入味, 小食豬耳唔夠爽脆 , 牛展OK, 炸雲吞好脆配甜酸醬好特別 , 青瓜辣到飛街 , 即刻叫杯雪梨