完美煮意 (已結業)

抵食台式樓上鋪。良心出品今日同同事一齊去食呢間新野，事關上次另外D同事試過話好抵食，所以今日我地係專登去食的。一上到去，人山人海咁，我地等左成10分鐘先有位，下次都係訂左位先去。同事介紹一定要食L5鹽酥雞扒飯，即炸厚厚既雞扒再加上肉燥汁，特別容易入口，最重要係冇諗過佢有個菜送埋既，原來係所有台式飯都送個菜⋯⋯呢到既肉燥係無出面果D咁肥，對我黎講實在太好了，因為我真係好怕食到D肥肥既肉，最重要係都保持到肉的JUICY，呢個價錢都可以啖啖飯都有肉燥，算係咁啦！不過要改善既係，唔夠汁，如果可以多D汁就好！我今次就加左＄7要左杯茉香珍珠奶茶，我本身唔太中意香芋同蜜瓜既香味粉，問左店員邊款珍珠奶茶係可以無呢D香味粉的，佢就推介我飲茉香珍珠奶茶，因為只有呢款珍珠奶茶係用茉香綠茶加奶加珍珠而色成，所以我就一於試下啦！杯野好大杯，好抵飲，下次再試就試佢既珍珠奶茶先。味道上我覺得綠茶味仲係未夠，可能我太中意濃濃既茶味掛⋯⋯另外同事就食L3肉燥茄子飯，聽佢地講呢個好好食，我下次一定要試下....我諗以後又多左個飯堂可以去了。