達摩元祖麵屋 (已結業)

有一晚放工約左朋友尖沙咀行下街，行過一間拉麵店，門口有隻大大個達摩公仔，大家都想食拉麵，就決定一試啦。裡面裝飾都好有日式懷舊風，不同一般狹窄的拉麵店，要食完就趕住走。店內座位闊絡，我地二人都坐左張四人枱，Like Facebook仲送清酒生蠔一客，咁抵當然要like啦😂視乎你口味，可以揀麵類、肉類、走青。地方大，坐得舒服白桃梳打、達摩梳打（即檸檬味）清酒生蠔，蠔好鮮味唔腥。辛辣湯拉麵我揀左中等辣度，對我來說辣度剛好，好香口美味，湯汁唔會過咸過油，要讚一讚舊叉燒，油脂分佈剛好，切得厚夠大舊，咬落唔鞋，而且好入味。生蒜蓉令個湯汁更惹味。黑蒜油湯拉麵朋友點的，我飲左一口，湯汁都好香黑蒜味，拉麵掛湯汁一流，拉麵質地唔會過淋，不錯。整體食物服務都唔錯，可以再食。