黑木亭居酒屋 (金馬倫道)

今晚同一個好耐冇見嘅朋友一齊食飯，想搵一個可以慢慢坐，坐得舒適嘅地方慢慢食慢慢傾。Search到原來尖沙咀都有黑木亭。之前喺天后分店食過一次，仲記得佢既石燒厚切和牛好好味。見到尖沙咀店好似地方仲大啲，估呢度應該適合傾偈，咁就帶咗朋友嚟食喇。喺地面上一層樓梯就到喇。其實由上樓梯開始已經好有和風，因為佢有壁畫又有啲仿紅葉樹。上到去，果然呢度地方大天后店起碼一倍。好多卡座。朋友聽到我話喺天后店食過佢嘅石燒厚切和牛好好食，佢又想試，咁梗係叫啦。我哋仲叫咗脆片牛油果蝦沙律，玉子燒汁脆活海鰻，炸蔥吞拿魚蓉鮟鱇魚肝卷，蜜桃烏龍紅茶同埋綠茶鮮奶脆脆。脆片牛油果蝦沙律：牛油果醬再加埋爽口鮮蝦配埋薯片，口感豐富。玉子燒汁脆活海鰻：海鰻個皮真係燒到脆脆的，仲熱的，正。炸蔥吞拿魚蓉鮟鱇魚肝卷：魚肝同埋吞拿魚蓉都係我鍾意食嘅嘢，呢個冇可能唔好味。蜜桃烏龍紅茶：呢個朋友飲嘅我就唔comment喇。不過見佢有用玫瑰花乾，好似好養顏咁。綠茶鮮奶脆脆：綠茶控一定鍾意呢個。我哋由7:15坐到10點先走。開心的一個晚上。