墾丁茶房 (已結業)

此店食嘅係台灣食品，味道一般，但服務態度就好差，加上人手不足，叫極都冇乜人理我哋，同埋啲嘢食遲遲都唔嚟，真係好鬼谷氣。講回食物方面，最好食係啲飯，口感軟綿綿，吸收埋啲汁好好味。炸嘢方面新鮮熱辣，外脆內嫩，做得幾好。涼拌雞絲同茄子好咸，味道嘛嘛。最後餐飲嘅珍珠奶茶唔夠濃郁，冇乜茶香，珍珠數量少，有啲偷工減料。總結成餐飯味道收貨，服務就真係要改善了。