影片
更多
2024-06-29
296 瀏覽
話說我上次憤然離開從心素食之後，唯有通街搵食。琴日見呢間滇二哥米線好似有位，就入去。阿姐黎手就招呼我坐係廚房門口，係我進食期間，仲撞左我兩次𠻹。我雖然算食得小辣，但為保險，嗌左個蕃茄湯底37蚊包一餸（幾碎片椰菜+清新幾瓣蕃茄），之後就每餸8蚊/9蚊。至於我嗌左其他咩餸你地自己睇圖。上到枱，拍照存檔，你地睇圖，嘩，又大又整齊，以為我食得好飽？ No way!!!!!豆卜係骰子兩倍大，對半cut出二變六，好似耶穌行神蹟咁，充分製造出三卜六粒既抵食假象。喂，我識條鐵咩？大拿拿9蚊豆卜，當然要細心為顧客cut開，照顧你既櫻桃小嘴，足見店家貼心之處。另外，米線太長，係好難進食既，於是店家又再行神蹟，米線就碎成1-2cm啦，啱架啦。嗱，我人好均真，佢個蕃茄湯底係ok，但價錢絕對bad.仲要熱飲加8蚊。我埋單都55蚊，叫埋杯野飲就真係我喊你笑。我大概係1點幾埋單，結果2點幾就空虛……
琴日見呢間滇二哥米線好似有位，就入去。
阿姐黎手就招呼我坐係廚房門口，係我進食期間，仲撞左我兩次𠻹。
我雖然算食得小辣，但為保險，嗌左個蕃茄湯底37蚊包一餸（幾碎片椰菜+清新幾瓣蕃茄），之後就每餸8蚊/9蚊。
至於我嗌左其他咩餸你地自己睇圖。
上到枱，拍照存檔，你地睇圖，嘩，又大又整齊，以為我食得好飽？
No way!!!!!
豆卜係骰子兩倍大，對半cut出二變六，好似耶穌行神蹟咁，充分製造出三卜六粒既抵食假象。
喂，我識條鐵咩？
大拿拿9蚊豆卜，當然要細心為顧客cut開，照顧你既櫻桃小嘴，足見店家貼心之處。
另外，米線太長，係好難進食既，於是店家又再行神蹟，米線就碎成1-2cm啦，啱架啦。
嗱，我人好均真，佢個蕃茄湯底係ok，但價錢絕對bad.
仲要熱飲加8蚊。
我埋單都55蚊，叫埋杯野飲就真係我喊你笑。
我大概係1點幾埋單，結果2點幾就空虛……
張貼
