公和荳品廠

營業中

休息中

公和荳品廠過譽嘅米芝蓮推薦街頭小食。-1. 豆腐花好滑，但無乜豆味，係好普通嘅豆腐花。同埋記得叫「無糖」然後隨自己喜好落糖漿，因為唔specify嘅話佢會default有糖，而我覺得佢落糖漿落得好重手，可能係咁蓋曬原有嘅少少豆味。-2. 煎釀豆腐、豆卜煎釀豆腐上面層魚腐如果闊佬地比厚底可能會好味啲？但佢個豆腐個底又煎得幾香嘅，同呢個硬豆腐係有多啲豆味嘅！豆卜都算有豆味，同埋唔會乾淨淨嘅。-3. 薑汁豆漿雪糕呢個雪糕算係最有驚喜嗰個。首先雪糕唔會好快融曬，而且豆味、奶味都算濃郁，配埋佢擠出黎嘅薑汁糖漿，係幾好味嘅。