一豆花

營業中

休息中

有一日我同一個波蘭妹妹到屋企附近打羽毛球， 打完波之後佢有少少肚餓，我哋就經過咗一豆花。 我同佢講呢度啲豆腐花幾好食㗎而且豆味都幾濃郁， 之後先發現原來佢從來未食過豆腐花所以令她更好奇。佢問我有咩推介，我就話如果你第一次食都係試下原味呀薑汁咁囉。 佢再望下見到有個芒果豆腐花好得意， 問我試過未。 我作為東道主就有啲尷尬了， 因為我其實係一個幾保守嘅男人，芒果加豆腐花對我嚟講太前衛了，而且在我腦海入面幻想的效果都唔係太睇好， 所以我從來沒有試過。 但係對於波蘭妹妹來說， 隻隻味都前衛㗎啦， 於是佢就叫咗個凍嘅芒果豆腐花試下。波蘭妹妹請我食一啖， 我突然像發現新大陸般驚訝， 沒想到芒果與豆腐花的相處能這麼融合。 就像超越了種族的隔膜， 向世界揚佈和平與愛。 波蘭妹妹亦吃得十分開心，並多謝我的推介。