豆腐巴克

營業中

休息中

嚟到石門一定要去行京瑞廣場，入面有好多好野食，當中最鐘意一定係豆腐巴克。佢嘅豆乳豆腐花有幾個養生系列，好多選擇，同埋只係$25左右一個。我試咗養生二號，有紅棗桂圓，配豆乳同豆花，味道和滑得嚟，又有養生嘅效果，同埋係高蛋白質嘅食物，大大推介。另外佢嘅炸物都係超級推薦：一口炸芋圓，佢俾埋煉奶咁點，煙韌控必試，係對芋圓有新嘅想像。仲有炸燒賣、炸雞軟骨，全部都係炸得好香口，好食。佢嘅豆乳都係招牌嚟，香濃幼滑，大大杯，仲可以配唔同味。喺呢到可以食到甜品、小食、主食，性價比高，一定要試呢！