正月十五 (已結業)

之前行過呢間糖水鋪，試食過細細杯嘅豆腐雪花冰+涼粉，就覺得好好味，今日終於『正式』嚟幫襯喇！睇餐牌仲覺得貴左少少，點知原來一份雪花冰係咁大碗！！ 真係O晒嘴～～～我地兩個女仔叫一份都足夠share la...豆腐味好濃好正，雪花冰口感又得意～雖然我唔係好中意食冰沙或者綿綿冰，不過雪花冰就食到冇停口！配料就係芒果、紅豆、豆腐（固定配搭，不過可以加料）。芒果好甜好新鮮！紅豆就唔會太甜，啱啱好～ 豆腐就一般...下次再嚟試下其他味道嘅雪花冰！