雲南人家風味餐廳 (已結業)

第一次食豆花米線就係呢個地方，食過一次已念念不忘。估唔到豆花同米線原來係咁夾，個豆花真係好滑，配埋個醬汁，蔥，酸菜真係好好食。記得上次黎既時候啲米線煮得實在過淋，估唔到今次第二次黎食有改善，雖然叫左走辣，但啲配菜都係有啲辣，加4蚊叫左杯木瓜冰 ,抵啊(午市佢menu無show 岀黎的），所謂木瓜冰係無冰同埋同木瓜一啲關係都無，飲落味道似蜜糖水同入面有啖啖啫哩，老闆娘話係玫瑰蜜，啲啫哩就係用木瓜杍做岀黎既愛玉凍，感覺都幾清新。唯一係間鋪係一入去有陣怪怪既味道，唔但食食下又唔覺@@