豆花先生 (已結業)

琴日冬至早放, 無聊游過葵廣, 竟然俾我發現間台式豆花店,雖然得豆花 OR 紅豆湯底, 好似冇咩揀咁, 但配料就有10 幾樣, 真係睇到我有D 選擇困難症呀, 0係店員既介紹下, 我最後叫左碗招牌豆花黎試,豆花真係好滑, 芋圓地瓜圓係我鐘意既Q 度, 唔錯唔錯!!! 如果一定要比,地瓜比芋圓出色。粉圓原本係迷你珍珠, 咬落好Q, 唔會有粉既感覺, 紅豆係大大粒, 帶少少甜,本人特別鍾意依紅豆, 如果可以俾多D 就好喇~ ~ ~ ~ ~下次經過會再試下其他配料。