雲南人家風味餐廳 (已結業)

因為係新蒲岡返工會周圍搵野食，依間係比較驚喜而令我唯一一間為佢去寫食評既餐廳，之前一段時間亦比較多人排隊。依邊食野價錢都不會太貴，50蚊左右已經可以好豐富，但餐廳座位好逼好細，門面亦感覺比較差，令人感覺不太衛生。但食物質素是不錯的，尤其是他的招牌菜豆花米線系列-我就試了豆花雞扒米線。米線上面鋪滿肉燥肉粒增加不少風味，豆腐表面亦淋了特制醬油，將它們和米線撈埋一齊味道很好，加上雞扒整得不錯，雞皮比較脆，份量亦不少，絕對夠飽。