容記小菜王 (已易手)

唔係吖嘛,米芝蓮竟然推介這間食店,有冇搞錯?????????食過後,其實味道好一般,作為深水埗嘅一間地踎食試,價錢唔係太合理.詳細介紹如下:此店嘅燒肉話係招牌菜,好出名喎,計我話係咪出名難食呀?質感好似煲完湯嘅瘦肉冇乜分別,淋就淋,冇豬味,皮又韌,價錢同味道完全唔掛鈎,唔抵又唔掂,來到可以不試.上湯雞,雞肉雖然嫩滑,但冇乜雞味.蒜香骨炸得老火咗,雖然用咗較肥嘅腩骨來整,但出來嘅結果又鹹又嚡,唔係好得.肉碎炒玉豆好油,味道鹹咗啲,叫此餸一定要跟飯吃.排骨煲仔飯冇乜特別,排骨係雪貨,冇乜鮮味,飯嘅質感過硬同乾,難以入口.成晚最好食係雞蛋焗魚腸,好香果皮味,有鮮味得嚟又唔腥,雞蛋滑滑又唔會過乾,口感豐富有層次,嚟此店必食.蓮藕炆腩煲,好濃好鹹,腩肉勁肥好油膩,唔係太好食.蒜香蒸勝瓜,如果落少啲油嚟蒸,味道會更佳.總括嚟講,其實深水埗食肆多的是,唔係一定要揀這間囉!!!!!!!