大榮華圍村菜 (已結業)

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎大榮華其實係元朗都有分店，係一間好傳統既中式茶樓。中午時間黎食，唔洗等位就入得，叫左佢最出名既豉油雞同點心。豉油雞勁好味，醬汁整得好入味、咸咸甜甜咁，而隻雞本身既肉好滑，煮得好淋，連埋皮食勁野味。另外，叫左個肉絲炒面，面底炸得夠脆，不過面上面既醬就比較遜色，味道似乎偏淡，而且肉絲應該冇先調味，所以好幼同埋仲係白色，好彩都有D 菇同蔥黎增加層次。蝦餃就夠晒大隻，而且蝦既份量都好多，都幾彈牙。仲有童年回憶既水晶奶黃包，個水晶皮就略嫌厚左少少(但朋友話𝘖𝘒)，個餡都幾好味。最後就係蒜蓉蒸魷魚，有勁多超香蒜蓉，落左少少糖，魷魚好彈牙，同個𝘴𝘢𝘶𝘤𝘦勁𝘮𝘢𝘵𝘤𝘩 。📍 大榮華圍村菜九龍灣宏開道8號其士商業中心1樓2號舖𝘚𝘩𝘰𝘱 2, 1/𝘍, 𝘊𝘩𝘦𝘷𝘢𝘭𝘪𝘦𝘳 𝘊𝘦𝘯𝘵𝘳𝘦, 8 𝘞𝘢𝘯 𝘏𝘰𝘪 𝘙𝘰𝘢𝘥, 𝘒𝘰𝘸𝘭𝘰𝘰𝘯 𝘉𝘢𝘺