影片
更多
2017-03-15
1181 瀏覽
是日OT到好夜，由朝早直踩到晚上前前後後加埋都有十幾個鐘！放工只係得番半條人命既我諗住搵D「快靚正」既野食完番屋企就算，點知亂打亂撞之下居然有驚喜。餐廳位於大角咀舊區內，從佢價錢同定位睇得出應該係以做街坊生意為主。內裏非常光猛醒神，侍應們一律著上青綠色jacket做制服，俾人一種整齊醒目既感覺。小菜選擇有接近三十款咁多，轉套餐亦只需加$10，就有齊餐湯、白飯、咖啡或茶！恐龍勁量雜扒餐 ($108)︰講明勁量份量當然驚人！鐵扒餐除左豬、牛、雞扒同紅腸各一之外，重有薯角、蕃茄同埋粟米添，配埋個惹味既黑椒汁一齊食真係正到爆，堪稱「男人的浪漫」！三大塊扒搭埋一齊呢個場面都咪話唔震撼！加$8轉既紅豆冰感覺好似甜左少少，下次有機會改叫「少甜少冰」口感應該會更好！食到差唔多尾聲，侍應行埋黎同我地講原來個扒餐漏左隻蛋同埋煙肉。雖然呢個moment已經飽到食唔落，但喺度真係要讚一讚佢地親切有禮既服務態度，我都唔知幾多年無喺茶餐廳聽到「唔好意思」呢四個大字喇！北菇滑雞煲仔飯 ($65)︰整體口感唔錯，冬菇同埋雞既份量都好多，而豉油亦令佢生色不少。唯一要彈既係飯既質素，可能因為用左飯粒較細既越南米關係，食落
餐廳位於大角咀舊區內，從佢價錢同定位睇得出應該係以做街坊生意為主。內裏非常光猛醒神，侍應們一律著上青綠色jacket做制服，俾人一種整齊醒目既感覺。
小菜選擇有接近三十款咁多，轉套餐亦只需加$10，就有齊餐湯、白飯、咖啡或茶！
恐龍勁量雜扒餐 ($108)︰講明勁量份量當然驚人！鐵扒餐除左豬、牛、雞扒同紅腸各一之外，重有薯角、蕃茄同埋粟米添，配埋個惹味既黑椒汁一齊食真係正到爆，堪稱「男人的浪漫」！
恐龍勁量雜扒餐
$108
39 瀏覽
0 讚好
0 留言
三大塊扒搭埋一齊呢個場面都咪話唔震撼！
加$8轉既紅豆冰感覺好似甜左少少，下次有機會改叫「少甜少冰」口感應該會更好！
食到差唔多尾聲，侍應行埋黎同我地講原來個扒餐漏左隻蛋同埋煙肉。雖然呢個moment已經飽到食唔落，但喺度真係要讚一讚佢地親切有禮既服務態度，我都唔知幾多年無喺茶餐廳聽到「唔好意思」呢四個大字喇！
北菇滑雞煲仔飯 ($65)︰整體口感唔錯，冬菇同埋雞既份量都好多，而豉油亦令佢生色不少。唯一要彈既係飯既質素，可能因為用左飯粒較細既越南米關係，食落口總係同平時食開既泰國米差咁D！
北菇滑雞煲仔飯
$65
12 瀏覽
0 讚好
0 留言
凡係60歲以上長者任何時段都可以減2蚊，呢份回饋昔日為香港服務既老友記既心意值得鼓勵！
張貼
