十二鍋 (已結業)

好耐冇打binlo，今日上完堂就約咗朋友仔食一人鍋。我地嗌咗好多嘢食，好興奮！ 鍋物晚市套餐有好多配料，另外仲可以揀牛肉/ 豬肉、飯/ 粗粉絲，同埋低糖綠茶/ 低糖紅茶，非常豐富！芝士竹輪壽喜燒 $115我同朋友都鍾意甜甜地嘅湯，所以叫咗壽喜燒湯底。我地揀咗牛肉、粗粉絲同埋低糖綠茶。配料方面，有蟹棒、芝士竹輪、炸枝竹、蛋餃、芝士魚豆腐、蜂巢豆腐等等。牛肉份量都幾多，唔會韌。蔬菜同蜂巢豆腐吸滿湯汁，甜甜地，非常吸引！綠茶係少糖版本，好解渴。台式沙茶牛肉鍋 $115另外，我地仲試咗個台式嘅湯底，一樣配咗牛肉、粗粉絲同低糖紅茶。配料方面就同壽喜燒唔同，我覺得咁樣幾好，可以試多啲款式！比較特別嘅係爆汁牛丸、芋泥貢丸同台灣面線！牛丸彈牙多汁，貢丸裏面有滿滿嘅芋泥(⁎⁍̴̛ᴗ⁍̴̛⁎)。面線係幼身嘅，同湯底好夾。紅茶好解膩！塔香鹽酥雞 $42鹽酥雞份量多，舊舊都好大舊。鹽酥雞外層酥脆，又唔會太油，內裡雞肉嫩滑，推薦！墨花臣雙色腸 $42雙色腸係紅色同黑色，原來係台灣腸配墨汁花枝腸。墨汁花枝腸幾特別，真係睇到同食到八爪魚。另外，仲可以配埋蒜片一齊食，會更加香😋。