Mr. Crab by The Captain's House (已結業)

今日午餐唔係食左好多野，下午同男朋友行街，到下午茶時間覺得肚餓，於是入左一間餐廳醫肚。經典白酒忌廉藍青口附有幾塊麵包，忌廉汁帶淡淡白酒味，麵包索晒啲汁一齊食好入味。藍青口數量唔少，而且新鮮，唔錯。蟹肉卡邦尼扁意粉撈匀啲汁之後勁creamy, 超級邪惡。入面除左有蟹肉，仲有煙肉同洋蔥。蟹先生全日早餐好豐富，有麵包、薯餅、煙肉、豬肉腸、蟹餅、煙三文魚、炒蛋、蘑菇、茄汁豆、沙律。Devil's Chocolate飲落似朱古力牛奶，唔會好甜，賣相又吸引。Frozen Snow荔枝味幾出，解暑一流。