新南苑私房菜火鍋鷄煲 (華僑商業中心) (已搬遷) 新店位置

今日本小姐生日，決定要食高質素的任食雞煲火鍋，明查暗訪下揀左位於旺角華僑商業中心嘅新南苑。雞煲係任食的，可以無限添加！上桌後，每分半鐘要攪拌一次，共攪拌4次。我地要左中辣，非常夠味，雞件亦好入味，如果唔係一陣仲有大把好野食，真係好想添加😋花膠蟲草花椰青湯底原個椰青放在鍋中央，鋪了花膠，配料有蟲草花、紅棗等，正材實料，飲咗好多碗湯🙈海鮮方面，有龍蝦🦞！每人豪食半隻開邊龍蝦，非常霸氣！重點係爆膏😳😳生猛海鮮拼盤也非常豐富，有鮑魚、蟶子、帶子、鮮蝦、魚片、大花貝等，很新鮮肥美，讚！其他火鍋配料也不錯，選擇多🤩🤩整體來講性價比好高，食物種類多，質素好，環境亦舒適，今餐好滿意！