Rimi Cafe (已結業)

一入到去座位都尚算寬敞，牆身都有好多擺設，好多都好有心思。餐牌上既食物都有好多種類，大多數西式為主，飲品都係以台式為主，睇咗好耐，終於揀到，因為太多選擇，有選擇困難症。2人餐超級抵食！$269就有小食(多款選一)﹑主菜(多款選一)﹑2杯飲品，仲有餐湯同蒜茸包(2份)，有部份既小食﹑主菜同飲品都要額外加返少少錢。餐湯係甘筍湯，好濃郁，蒜茸包好脆！凱撒沙律，份量好大，食菜都會飽，麵包脆，菜又爽口，搭配醬汁，非常完美。青醬雞絲炒闊條麵，呢個都麵值得一讚，因為我放咗一陣先食，麵都冇糊，麵吸晒汁，好味！雞翼拼盤配蜜糖芥末醬，雞翼同雞槌，仲有薯條，全部都炸到好金黃色，賣相好吸引，好香口但又唔會有油溢味。芝士焗薯蓉配巴馬火腿，呢個好多芝士，份量好足，薯蓉本身冇味，但有芝士加埋巴馬火腿好正！