Outback Steakhouse (新港中心) (已結業)

食左好次Outback, 都係一大班人，點好多嘅嘢食，然後一人分啲，談天說地，滿載而歸。今日同公司同事中午farewell,就第一次點左每人一個午餐。 🍖 我叫嘅係西班牙黑毛豬扒，配沙律同埋薯條。帶骨黑毛豬厚切，最怕係解凍唔切，或者燒得唔均勻，造成裡邊未熟，大家都知道如何豬肉唔熟，就唔喺咁好啦。但係佢地就做到裡邊熟透，但唔喺鞋口，而且有肉汁，證明佢地處理時間得宜，事前準備功夫亦都足夠。 🍖沙律同埋薯條嘅份量比例剛剛好，沙律開胃，薯條脆度適中。同豬扒嘅配搭非常得宜。 🍖不得不提嘅係佢既黑麥包，保持到一貫嘅水準，鬆軟又帶有口感，配合cream cheese真係食唔停口。 ✨️不過美中不足嘅係，可能由於今次係第一次自己點自己個餐，啲嘢食加埋個包同大大杯飲品同一開始serve既水，同時放咗上台，坐對面嘅同事同樣有咁多樣野，店員又因為太忙未有及時收返啲餐具，變得好迫，位置感就變得不足。