影片
更多
2020-03-21
327 瀏覽
好開心石門近幾年開咗好多新餐廳，作為鄰居嘅我終於唔洗走到去市中心食飯。今晚約咗媽咪食西餐，如果有睇開我啲食評，其實我好少食西餐。因為無乜邊間特別吸引，仲要價錢一般都偏貴。但喺石門嘅Su Casa推翻咗我對西餐係貴夾唔飽的錯誤觀念！雖然每碟食物的單價都唔算平，但每樣嘢都好大碟！食物一上檯，大碟到我哋呆咗。食到我哋好飽！！早知叫少啲嘢食啦😂再加上食物質素不錯，整體就性價比非常好啦！首推招牌蠔湯，每一啖入口都充滿蠔味但又唔會腥，蠔同忌廉又出奇地配合，creamy得嚟唔會太膩。加拿大龍蝦意粉，唔止賣相靚，味道都好好。龍蝦原隻上，肉質鮮甜而且蝦鉗啖啖肉。意粉配上香濃龍蝦汁，略帶creamy好惹味。脆皮燒德國咸豬手配酸椰菜好有份量，兩個大人食都夠有突。烤香咗的咸豬手好香口，脆皮入口卜卜聲，不過略嫌豬手偏咸，如果配啤酒就一流。酸椰菜醃得剛剛好，開胃得嚟亦能中和返豬的咸味，好夾！飲品我同媽咪都叫咗菠蘿奇亞籽特飲，唔會太甜，酸酸地好開胃，配上Superfood奇亞籽，纖維豐富又有益，鍾意飲甜嘢而又想健康的人可以一試。甜品叫咗心太軟，需時15分鐘左右所以食到中後段要order啦。熱辣辣上檯一篤開有流心，合
但喺石門嘅Su Casa推翻咗我對西餐係貴夾唔飽的錯誤觀念！
雖然每碟食物的單價都唔算平，但每樣嘢都好大碟！食物一上檯，大碟到我哋呆咗。食到我哋好飽！！早知叫少啲嘢食啦😂再加上食物質素不錯，整體就性價比非常好啦！
首推招牌蠔湯，每一啖入口都充滿蠔味但又唔會腥，蠔同忌廉又出奇地配合，creamy得嚟唔會太膩。
招牌蠔湯
33 瀏覽
0 讚好
0 留言
加拿大龍蝦意粉，唔止賣相靚，味道都好好。龍蝦原隻上，肉質鮮甜而且蝦鉗啖啖肉。意粉配上香濃龍蝦汁，略帶creamy好惹味。
加拿大龍蝦意粉
30 瀏覽
0 讚好
0 留言
脆皮燒德國咸豬手配酸椰菜好有份量，兩個大人食都夠有突。烤香咗的咸豬手好香口，脆皮入口卜卜聲，不過略嫌豬手偏咸，如果配啤酒就一流。酸椰菜醃得剛剛好，開胃得嚟亦能中和返豬的咸味，好夾！
脆皮燒德國咸豬手配酸椰菜
32 瀏覽
0 讚好
0 留言
飲品我同媽咪都叫咗菠蘿奇亞籽特飲，唔會太甜，酸酸地好開胃，配上Superfood奇亞籽，纖維豐富又有益，鍾意飲甜嘢而又想健康的人可以一試。
心太軟
29 瀏覽
0 讚好
0 留言
甜品叫咗心太軟，需時15分鐘左右所以食到中後段要order啦。熱辣辣上檯一篤開有流心，合格！味道調得好，唔會太甜但又有可可香，好味！
值得一讚係場內坐位闊落，檯與檯中間有足夠距離，疫情期間呢樣好重要。而且餐廳重視衛生，入店內要用1比99漂白水噴鞋，亦要用酒精搓手。坐低後店員會提供全新信封俾你放口罩，非常貼心！抵讚！
28 瀏覽
0 讚好
0 留言
菠蘿奇亞籽綠茶
26 瀏覽
0 讚好
0 留言
張貼
