西門町台灣麵食 (已結業)

好耐冇食台灣野啦😃 旺角通菜街呢間小店嘅台灣野食好味又抵食😍 地方雖然唔大，但木嘅裝修幾有親切感。見到餐廳有簡單綠葉佈置，望上去幾舒服。2人套餐 $238 可以揀5款食物，加兩杯飲品，好扺食！怪味雞見到咁大pat醬完美覆蓋咗啲雞，就知道有幾惹味😃 怪味醬汁酸酸甜甜好特別，醬汁濃郁，雞件冰涼口感，有啲似食緊口水雞，就係冇辣味。腐皮蚵卷估唔到腐皮包住蠔仔食口感又幾好，外脆內軟，而且份量好多，每一口都食到蠔仔，點辣醬食更加好味。涼伴茄子茄子表面嘅醬汁香味十足，茄子內裏軟軟外皮硬身，好香，仲好入味，有說不出嘅好味😍 肉臊飯細細碗好有台灣食物嘅感覺。表面嘅肉臊超正，肉碎大粒，濃稠度適中，唔會太稀，份量都幾多，啱啱好可以撈唒碗飯。擔擔麵擔擔麵都有伴肉臊，醬汁香濃，有麻醬香味。麵條粗身，醬汁份量啱啱好，超好味😋 好有台灣嘅感覺。芝麻珍珠奶茶 芝麻香濃，奶味十足，好飲。珍珠奶茶茶香美味，珍珠好多，唔會太甜，啱啱好。