鮨心 (已搬遷) 新店位置

辛苦返左5日工，星期六日難得放假當然要約班朋友出黎食下野行下街啦，唔係的話遲早痴晒線。由於其中一個朋友好不幸星期六要返長短週，所以就佢方便去旺角食lunch。我叫左個海鮮丼定食，貪佢入面乜野都有，刺身樣樣齊，就咁睇2佰幾蚊好似貴貴地，但佢又跟埋前菜、沙律、茶碗蒸同麵豉湯同埋個刺身飯。除返埋，又好OK 喎。前菜有牛舌，我無食，比左朋友清埋佢，佢話好淋又入味。沙律酸酸甜甜好開胃茶碗蒸同麵豉湯都係水準之作黎，食個正餐刺身飯前先暖下個胃。刺身飯到了，每件都大大件又夠晒新鮮。至正係帶子同蝦，厚肉又鮮甜。食物同招呼都一流，環境又舒適，輕輕鬆鬆咁又過左兩個鐘 。