Mo Mo Kushiage (已結業)

放假去咗食日本嘢，呢間有得食炸串，令我諗返起大阪旅行。午市套餐有幾款炸串套餐選擇，但係朋友熱氣喉嚨痛，所以我哋都係單點其他嘢食，再單點一款炸串過過口癮。五點刺身拼盤 $365有松葉蟹腳、帶子、日本天使蝦、三文魚、三文魚子。魚生新鮮，其中我最鍾意鮮甜松葉蟹腳同埋爽滑天使蝦。日本門鱔$48串跟住嚟返串炸串，門鱔係季節性。炸粉香脆，門鱔鮮嫩，魚油好香，沾上自家製嘅醬汁，風味更佳。大蔥雞肉串$38串雞肉燒得香而且Juicy，啖啖肉；配上惹味大蔥，味道真係冇得輸。雞心串$32串呢個好爽口，燒得香，用嚟送酒一流。雞頸肉串$32串呢個都好好餸酒，雞肉好有油香，肉質爽嫩。鹽燒牛小排$208牛小排肥美，肉質粉嫩，配上炸蒜片或者鹽都各一風味。黑松露牛油焗雜菇$88一打開好香，牛油同埋黑松露嘅香氣四溢，配上爽滑嘅唔同種類菇菌，好好味。明太子茶漬飯$58明太子鹹鮮鹹鮮，配上茶漬飯，簡單又好味。烏冬$58好煙韌，一啲蔥花、紫菜加清湯已經好好食。飲品方面，我哋楝咗京姬柚子x甜梅（$65）、京姬柚子x檸檬（$65），好易入口，冰冰凍凍，直情好似果汁咁，幾清香。