常聚 (已搬遷) 新店位置

經朋友嘅介紹，星期三嘅早上嚟到呢一間餐廳食早餐。叫咗個番茄濃湯豬膶通心粉同火腿奄列同蒜蓉包。蕃茄濃湯豬潤通心粉，好重蕃茄味，個湯非常厚身，非常之好。豬潤數量都好多，同埋都好爽口。個火腿奄列都好好食。而個蒜蓉包就值得一讚，因為做法一啲都唔馬虎，兩邊都有用蒜蓉去整。但係都要等起碼5分鐘先有嘢食。所以如果早餐趕住返工嘅話呢，就要預早少少。啲阿姐嘅服務態度都非常之好。價錢都同其他茶餐廳嘅早餐差唔多，但係佢哋煮法上嘅細心同認真係值得一讚嘅！