2+2 Café (已結業)

因為某啲原因所以book左帝都酒店，book個陣因為價錢唔係相差太遠，所以揀左包早餐buffet，豪一次咁大把哈哈。一入到去要報房號，然後馬上有人帶位。食物種類頗多，比我想像中既早餐buffet多好多，而且有即煮粉麵，成件事好似高級左咁。不過我眼闊肚窄食唔到好多野，最後都無試粉麵，不過見都幾多人叫黎食。好多花款，中式，日式，西式都有齊。中式有糯米雞，粥，粉麵等等。日式有飯，麵豉湯，冷麵等等。西式有沙律，麵包，麥皮同埋我地平時食開既炒蛋，腸仔等等。個胃真係細。。。加上前一晚食得太飽，試唔到好多野。前菜類，洋蔥煙肉批，煙肉，雞肉腸好評，麵包唔太新鮮，麻麻地。哈蜜瓜好甜！！但係呢，侍應方面應該要小心啲。咁我自己一個食，電話個啲個人物品當然係跟身。我食完一碟先再出去拎係避免自己拎太多又食唔哂，咁我再出去拎既時候將我淨係飲左兩啖既野飲都收走埋？？？我都明白侍應係應該要及時收走啲碗碗碟碟，咁但係個場又唔係好full，你又唔係好確定人地走左未既時候係咪應該睇定啲先呢？呢樣野就係令到我既好評跌落ok既最主要原因。