木船 (已結業)

今日早左出門口返工，返工前經過大埔太和路，就順便食埋個早餐先 😆 睇咗幾間餐廳，啲早餐都係麻麻地，收成 $40 蚊都好似無咩嘢食咁。最後去咗抵食夾大件既木船睇下，木船之前都有食過佢既午餐同晚餐，可以用三個字嚟形容「平、靚、正」早餐就第一次食，叫咗木船西式早餐既吉列魚柳餐。吉列魚柳餐 ($43) : 有炒蛋、腸仔、午餐肉、多士同魚柳 ; 魚柳超超超大塊，差唔多成塊面咁大，而且厚身得嚟重超多汁 👍🏻 無得輸 ; 多士亦唔錯，軟熟得嚟牛油又夠多，無硬梆梆既情況出現，估唔到早、午、晚餐都咁出色，真係我心中既米芝蓮餐廳。😍