譽宴 (已結業)

生日飯去咗譽宴，叫咗半席，菜單如下睇落好豐富，平日晚市都唔多人，可以舒服食餐飯。👉🏼乳豬全體乳豬燒得香脆，肥瘦幾適中，好味！👉🏼上湯焗美國龍蝦伊麵龍蝦都有肉食，伊麵都唔錯，但個汁太杰，口感有啲怪，凍咗就好難食。👉🏼蒸沙巴龍躉條魚啲肉幾嫩滑，唔鞋，但份量略少。👉🏼脆皮雞呢隻雞要推介一下，因為真係整得唔錯，皮係脆嘅，肉亦都好嫩，係一隻好食嘅雞，雞都唔鞋，正！👉🏼炸釀蟹鉗炸得香脆，可以大啖咬，好味但熱氣。👉🏼瑤柱蛋白炒飯炒得香又入味，而且唔會好油，好味！👉🏼蘆薈桂花糕好香桂花味，入口清甜，好岩食完咁多菜色之後食，唔會濟。👉🏼壽包大大隻，味道一般，純粹意頭。