影片
更多
2023-06-06
1416 瀏覽
2023年5月24日 星期三今晚放工之後同老婆仲有BB去到沙田Home square既東海薈食飯原本淨係諗住叫一個二人餐，點知見到餐牌做緊冬瓜盅優惠，一個冬瓜盅加半隻蔥油雞都係$298，所以即刻加單等左一陣間，冬瓜盅就即刻送到，店員仲幫忙分左兩碗俾我哋，見到真係落足料又夠熱辣辣，每一啖都食到海鮮，所以個湯好鮮甜又夠消暑個蔥油雞都隨之送上，點菜嘅時候店員有問過我哋想要熱食定凍食，我哋要左熱食，嚟嘅時候已經好香蔥油味，醬汁滲透晒落去雞肉裏面，雞肉又好嫩滑，送飯食一流二人餐方面，前菜有拍蒜青瓜，醬汁酸酸地幾開胃，而且青瓜都好脆口跟住有百味豆腐，份量兩個人黎講都唔少，大小啱啱好可以一啖食落肚，炸得好香口再嚟有虎乳菌翡翠炒帶子，帶子都幾大隻同炒得幾有鑊氣，虎乳菌就第一次食，口感比起其他菌類更加有咬口，味道唔錯之後有主角海膽汁龍蝦，每人有半隻，仲要龍蝦本身都唔細，簡簡單單蒸熟再淋上海膽汁，龍蝦肉唔會過韌，而且仲吸收埋醬汁嘅味道，食到我哋舔舔脷呢個係羊肚菌杞子浸菜苗，菜苗入晒味，完全唔老，而且羊肚菌都有驚喜，唔會有苦澀味之後仲有清蒸海星斑，條魚唔會蒸到過熟，魚肉蒸得岩岩好，一夾就夾到上黎，夠幼嫩最後
今晚放工之後同老婆仲有BB去到沙田Home square既東海薈食飯
原本淨係諗住叫一個二人餐，點知見到餐牌做緊冬瓜盅優惠，一個冬瓜盅加半隻蔥油雞都係$298，所以即刻加單
等左一陣間，冬瓜盅就即刻送到，店員仲幫忙分左兩碗俾我哋，見到真係落足料又夠熱辣辣，每一啖都食到海鮮，所以個湯好鮮甜又夠消暑
個蔥油雞都隨之送上，點菜嘅時候店員有問過我哋想要熱食定凍食，我哋要左熱食，嚟嘅時候已經好香蔥油味，醬汁滲透晒落去雞肉裏面，雞肉又好嫩滑，送飯食一流
二人餐方面，前菜有拍蒜青瓜，醬汁酸酸地幾開胃，而且青瓜都好脆口
跟住有百味豆腐，份量兩個人黎講都唔少，大小啱啱好可以一啖食落肚，炸得好香口
再嚟有虎乳菌翡翠炒帶子，帶子都幾大隻同炒得幾有鑊氣，虎乳菌就第一次食，口感比起其他菌類更加有咬口，味道唔錯
之後有主角海膽汁龍蝦，每人有半隻，仲要龍蝦本身都唔細，簡簡單單蒸熟再淋上海膽汁，龍蝦肉唔會過韌，而且仲吸收埋醬汁嘅味道，食到我哋舔舔脷
呢個係羊肚菌杞子浸菜苗，菜苗入晒味，完全唔老，而且羊肚菌都有驚喜，唔會有苦澀味
之後仲有清蒸海星斑，條魚唔會蒸到過熟，魚肉蒸得岩岩好，一夾就夾到上黎，夠幼嫩
最後仲有半隻脆皮炸子雞，炸得勁香又唔多油，唔洗加准鹽都已經好夠味，外皮仲炸到脆卜卜添
冇諗過甜品仲會有壽包，仲要咁大件，裏面除咗有蓮蓉之外，仲有一隻鹹蛋黃，充滿油香，食埋真係已經飽晒
張貼
