厚福館 (黃埔天地) (已結業)

呢日同親戚去咗紅磡呢間餐廳食dinner，餐廳推出咗呢個海鮮二人盛宴火鍋，套餐入邊有多款名貴嘅海鮮，啱晒鍾意食海鮮嘅朋友。刺身方面，有時令海膽同埋加拿大野生A級象拔蚌，海膽非常肥美，入口即溶。象拔蚌口感爽脆，好味道。主菜方面，有特盛鮮活海鮮併盤，包括左多款新鮮嘅海鮮，有扇貝、新鮮鮑魚、龍蝦等，勁吸引。肉類有即劏騸牯肥牛同埋人氣手切靚牛頸脊，肉味非常香濃。另外仲有招牌手工丸餃併盤、時令雜菜拼盤同埋讚崎手打烏冬，超級豐富。