漁港薈 (已結業)

今晚難得約到好朋友食晚飯，揀左銅鑼灣既漁港薈，食我同朋友都中意食既海鮮鍋。睇下個餐牌，有個餐好抵食，每位$198，叫做一檯二食海鮮鍋。首先來個紅燒乳鴿，再食蒸氣鍋，有大連鮑魚，北海道元貝，鮮甜海蝦，法國青口，龍躉片同脆骨腩，海鮮好新鮮，味道鮮甜。呢度店員服務唔錯，好主動幫手處理下海鮮，換下骨碟。食完鮮甜既海鮮，仲可以再打邊爐。湯底係皮蛋芫茜豆腐湯，配料就有安格斯牛肉啦，蔬菜，及烏冬，好豐富，好飽呀。