九重鮮 (已結業)

提早慶生，今晚阿媽收早，一於帶佢食海鮮賀一賀。見到今期做梗蒸海鮮塔 x 任食自助吧，就知一定冇黎錯。我地揀左升級版濟州島10重海鮮塔，因為好少食海鮮，想豪下。海鮮多款，食到口冇停。有龍蝦、鮑魚、海蝦、龍躉、象拔蚌、大花蛤、沙白及日本元貝，仲有蔬菜拼盤、肥牛。最正係龍蝦，非常新鮮，肉質鮮甜；鮑魚都唔錯好彈牙。肥牛都唔差，加左黑椒鹽調味。海蝦好新鮮。日本元貝加左粉絲，勁鮮甜。覺得一次過蒸哂咁多海鮮，食到最尾既海鮮有點過熟。可能要調較下煎海鮮上下既位置或者蒸完上碟會好d. 好欣賞佢有個位可以著韓服，但我阿媽怕羞，唔肯著。另外仲有多款小食，好多姿多采，又豐富。