泰海鮮 (已結業)

今個月中約左朋友聚餐去左位於屯門三聖邨既《泰海鮮》食海鮮餐，朋友一早book左枱，當晚1800準時到達入座，睇完餐牌花多眼亂，大家又好似有選擇困難証諗唔倒食乜😂，最後我地就問侍應有咩是日推价並介紹左以下菜式有：海鮮湯、冬蔭公湯煮花甲、豉椒蟶子皇米粉底、辣糕炒肉蟹、砵酒焗桶蠔、豉油皇鮑魚、青山灣焗龍蝦，海鮮陸陸續續送上，最後食完呢餐大家都非常滿足，每碟餸都用料新鮮火喉十足，正所謂中國人食飯最緊要有鑊氣👍🏻👍🏻 呢度完全做得到，個人特別喜愛青山灣焗龍蝦，肉質飽滿之餘配埋個脆皮芝士好香口好夾好好食，另外海鮮湯雖然其貌不揚，其實係禾稈冚珍珠集海鮮精華於一身，必飲👍🏻呢間食物質素真係冇得彈👍🏻現場侍應服務係好既，一定會再幫襯😋😋