陸陸雞煲火鍋 (已結業)

放假同朋友行完旺角之後想食雞煲，見到呢間都有幾多好評就黎試下～我地就叫左 陸陸雞煲海鮮火鍋套餐雞煲叫左小辣，店員會幫你攪勻，全程唔使自己郁手～ 本來以為d雞都係普通貨色，但食落真係有驚喜！肉嫩，汁又好夠味仲帶有有小小麻，非常惹味，食到停唔到口，份量亦都幾多～食完雞煲，店員一捧個海鮮火鍋出黎，我即刻嘩左一聲～湯底有大過我隻手既原隻龍蝦，龍蝦香味好濃！2人份量套餐有海鮮拼盤（有鮑魚、蜆、蚌、蠔、蝦同魚）、丸、餃子、肥牛、豬肉片、牛柳粒、響鈴、炸魚皮、菇同菜類拼盤～海鮮好鮮味，加埋個龍蝦湯底真係好夾！肥牛同牛柳粒都好有肉味，餃子同丸都好新鮮～值得一讚係店內抽風系統做得好好，食完頭髮同衫都冇果種油煙味～店員非常有禮貌，服務好好～＄338可以有咁多樣野食同質素絕對可以再黎