麻神麻辣火鍋 (已結業)

夜麻麻星期六，去得街梗係夜啦~~~玩到餓我地去打邊爐!呢間台灣開到黎香港的麻神，未食過，見我地幾個人一於去食啦~可以食唔同野!估唔到咁夜都有人，仲要唔少.....坐低就話9:30後原來有75折，咁岩哂我地，聽落好似幾抵~睇到餐牌都好多野揀，種類好多，有打邊爐必食的牛、豬，但亦有些比較少見的食物。先講個火鍋底，叫左個麻辣鍋拼花膠雞$268，一上台就好重麻味，勁香，至於個花膠雞，超足料，好濃郁，飲左啖，超正，一定食飲。叫左好多野食，有牛頸脊$228、王子麵$44、美國牛小排$188、特選老饕鍋$118、炸竽頭$58、菜拼盤$68、台灣水蓮菜$88、果凍鴨血$88、脆肉脘$56、九菜餃$82。一黎真係成台都係食物，超誇張。推介老饕鍋：內有牛筋、牛肚....超入味，滿口麻香，仲燉得夠腍，入口正。牛小排話係呢度招牌，食落似肥牛，但食落係好嫩滑，加埋麻辣湯底食，更惹味!果凍鴨血係必食之選，好少見有呢樣野食，好特別，食落真係好滑好似JELLY，有驚喜~九菜餃都好味，因為超足料，皮薄多餡。最後一定要食個麵，浸哂汁，同湯汁一齊入口，超滿足。