Food Combo (已結業)

陪朋友買完月餅，開始肚餓，係時候搵食，經過見到呢間地舖，開面好大既food combo好像幾吸引，入去試下啦。好，睇下有咩好食先。卡邦尼大通粉配薯絲蝦，通粉大大粒有咬勁，醬汁稀稠度適中，上面仲有流心蛋，拌黎食一流！跟餐仲有足料菜湯，雜果沙律個汁酸酸甜甜好好味。什扒黑椒汁配南瓜薯餅，牛扒好有份量，食落夠腍，仲有雞翼司華力腸，啱晒食肉獸。南瓜薯餅外面脆卜卜，加上裡面甜甜地又軟綿綿，正！呢度仲有drink bar 任飲，三款飲品都好有特色。