大紅袍火鍋料理 (已結業)

今日同一大班朋友黎到呢間期待已久嘅火鍋店，當然要試下佢個金屋藏嬌湯底啦一個咁抽象嘅湯底究竟里面係有D咩呢?原來有雞，冬蟲草，杞子、紅棗、冬瓜等等。剩係睇材料都覺得滋補養顏，飲咗啖湯，有小小雞油，味帶鮮甜淳香，湯里面約有一隻雞份量的鲜雞件，可以先食。所有火鍋配料都非常高質素，例如芝士墨魚丸咬落爽口彈牙，仲會有芝士爆出黎，要小心燙口。但我重點想講下極級本地手切肥牛，睇落去肉質明顯比較新鮮，脂肪比例唔算太高，即使切得好薄，仍有濃厚的牛肉味，去到一定要試試。