影片
更多
2017-11-03
5260 瀏覽
呢間餐廳, 我同屋企人已經食過幾次, 每次都好滿足.... 或者因為我係順德人啦, 所以覺得D野食好岩胃口.... 我地只會叫六道菜, 有12個人食, 聽落會唔夠飽, 但係其實係夠有餘, 仲可以打包拎走... 我地一開始有一個魚肉羹.... 我就好一般, 因為我個人唔係太鐘意食有芫茜, 再加上我只喜愛清湯既質感, 所以我冇食到, 不過見屋企人次次都有ORDER, 好明顯, 係好食既, 佢地既comment 係好香, 但係羹得黎唔會覺得滯.... 之後食左個柚皮鵝掌, 我係好鐘意食柚皮既人, 因為平時自己整唔到, 一定要出街先食得到, 佢柚皮同鵝掌都好入味, 雖然佢都係有D杰既茨汁, 不過未去到杰撻撻咁, 我係可以接受.同埋佢燜到兩樣野都好林… 食完好想再食, 好彩其中有一個人唔食柚皮, 我可以食埋佢個份HAHAHHAHA…緊隨住就係豉油王大蝦.... 個隻蝦真係好大隻, 佢曲左都有手掌咁大, 我係一個好唔鐘意搣蝦殼既人, 但係夾住用牙咬都好快剝到D殼….最重要係, 佢香得黎, 我食完仲會”損” 下D 殼既汁…第4道菜就係咕嚕肉, 唔酸, 好香甜, 你呢一刻會好想有個白飯… 同埋佢唔大舊
我地一開始有一個魚肉羹.... 我就好一般, 因為我個人唔係太鐘意食有芫茜, 再加上我只喜愛清湯既質感, 所以我冇食到, 不過見屋企人次次都有ORDER, 好明顯, 係好食既, 佢地既comment 係好香, 但係羹得黎唔會覺得滯....
之後食左個柚皮鵝掌, 我係好鐘意食柚皮既人, 因為平時自己整唔到, 一定要出街先食得到, 佢柚皮同鵝掌都好入味, 雖然佢都係有D杰既茨汁, 不過未去到杰撻撻咁, 我係可以接受.
同埋佢燜到兩樣野都好林… 食完好想再食, 好彩其中有一個人唔食柚皮, 我可以食埋佢個份HAHAHHAHA…緊隨住就係豉油王大蝦.... 個隻蝦真係好大隻, 佢曲左都有手掌咁大, 我係一個好唔鐘意搣蝦殼既人, 但係夾住用牙咬都好快剝到D殼….最重要係, 佢香得黎, 我食完仲會”損” 下D 殼既汁…
第4道菜就係咕嚕肉, 唔酸, 好香甜, 你呢一刻會好想有個白飯… 同埋佢唔大舊, 岩岩好一啖食晒. 跟住係蒸大鱔… 堅大,每一舊都好厚肉, 你要分4啖食… 同埋好爽口, 每一啖都好有口感…
最後一味餸就係八寶鴨…. 出面食既八寶鴨係入面釀左糯米, 但係呢間野整既係釀薏米, 一D 都唔會滯, 仲要佢入面有5隻咸蛋黃, 一切開隻鴨係勁香… D 肉又林… 食多兩舊都唔怕頂住個胃…
餸就食晒, 之後黎左個生炒糯米飯, 好乾身, 食完個咀唔會好似搽左唇油咁… 雖然好飽, 但係我都隊晒成碗糯米飯…. 甜品就係生磨合桃露, 本人係勁鐘意食甜野, 我覺得呢個可以再甜D, 但係其他人就話岩岩好… 同埋佢磨到好滑, 你食完唔會有 “確”喉既感覺.
呢間一定要訂位, 同埋冇廳房, 每個BOOKING 都係間房, 所以好PRIVATE… 我由細到大都好怕去呢D聯誼會食飯, 因為覺得好DIRTY 同好舊… 佢新裝修好光猛, D 伙計係上左年紀, 但係好有禮貌同好周到. 我諗唔駛幾耐, 呢到又會變左我屋企人既飯堂…
P.S. 上次食有乳鴿, 勁好食架… 下次再去食, 就再SHARE啦~
蒸大鱔
117 瀏覽
0 讚好
0 留言
八寶鴨
103 瀏覽
0 讚好
0 留言
張貼
